telebista
Gaurkotasun gaiak
Xabier Basañez gonbidatu, gaur goizean, 'Egun On Euskadi' saioan
A.A. | EiTB
BECeko arduraduna elkarrizketatuko du Estepan Aldamiz-Etxebarriak.
-
Argazkia: EFE
Xabier Basañez Bilbao Exhibition Centreko zuzendari nagusiarekin itxiko dute aste honetako elkarrizketa erronda 'Egun On Euskadi' saioan. Basañez Estatuko Erakustazoken Elkarteko presidente izendatu berri dute, bi urterako. Estepan Aldamiz-Etxebarriak izendapen honi eta 2016rako aurreikusita duten jarduerari buruz galdetuko dio. Aurreko urteko ekitaldiaren balantzea ere egingo dute.
Elkarrizketan esandakoak eta aktualitatea aztertzeko, Iker Bizkarguenaga, Iñaki Galdos eta Mikel Aramendi bilduko dira solasaldirako mahaira. Estepan Aldamiz-Etxebarriarekin batera, Xabier Usabiaga arituko da albisteen kontakizuna egiten ETB1eko saioan.
'Egun On Euskadi' astelehenetik ostiralera izango da ikusgai, 09:00etatik aurrera, ETB1en.
TB1en.