Xabier Ortueta AFMko zuzendari nagusia, gaur, 'Egun On Euskadi'n

Makina-erreminta sektorearen jarduera izango dute aztergai gaur goizean 'Egun On Euskadi' albistegiko elkarrizketaren tartean, sektoreko enpresak biltzen dituen AFM elkarteko zuzendari nagusiarekin, Xabier Ortuetarekin. Joan den astean 25 urte bete zituen Makina Erremintaren Institutuko presidentea ere bada Ortueta, eta, urtemuga dela eta, Asmaola eraikin berria inauguratu zuten Elgoibarren, eta enpresa txiki eta ertainentzako berrikuntza aplikatuaren estrategia berria aurkeztu zuten.

'Egun On Euskadi' astelehenetik ostiralera izaten da ikusgai, 09:00etatik 11:00etara, ETB1en, zuzenean. Estepan Aldamiz-Etxebarriak gidatuta, Xabier Usabiaga ere arituko da albiste kontakizunean. Solasaldirako tartean, berriz, Jagoba Alvarezek, Maite Iturratek eta Luismi Uhartek hartuko dute parte.