Frantziako Tourraren 11. etapa, zuzenean, gaur, ETB1en eta eitb.eus-en

Euskal Telebistak zuzenean bat egingo du gaur Frantziako Tourraren hamaikagarren etaparekin. Carcasona eta Montpellier hirien artean, 164 kilometroko ibilbidea eta laugarren mailako bi mendate izango ditu: Minerve (38. kilometroan) eta Villespassans (57.ean).

Egunero legez, Fermin Aramendik, Xabier Usabiagak eta Pedro Mari Goikoetxeak egingo dute emanaldiaren kontakizuna, ETB1en eta eitb.eus-en.