telebista
22:30ean
'La Noche de...'k 'Space cowboys' filma eskainiko du gaur
A.H. | EITB
Horrez gain, Hollywoodeko aktoreek uda garaian jarraitzen dituzten mirarizko dietak azalduko ditu.
Gaur gauean, 'La Noche de...'k astronauta beteranoak protagonista hartuko dituen Space cowboys film dibertigarria eskainiko du ETB2n. Clint Eastwood da filmaren zuzendari eta protagonista, eta berarekin batera, James Garner, Tommy Lee Jones eta Donald Sutherland aktoreek osatuko dute aktore zerrenda. Estatu Batuetako lau pilotu beteranoen azalean, espaziora bidaiatzeko ametsa egi bihurtzeko aukera izango dute lau lagunek; bere orbita galdu duen satelite errusiar erraldoi bat konpontzera bidaliko dituzte. Felix Linaresek filmaren grabazioaren eta aktore zerrendaren datu guztiak emango ditu emanaldiaren aurretik.
Bestalde, ostiralean estreinatuko den Suicide squad filmeko bikote protagonista aztertuko du 'La Noche de...' saioak. Bizitza errealean bikote izan zitezkeen ala ez azalduko du Pareja ideal atalak.
Gainera, Monte o playa atalean, munduko mendi-biderik arriskutsuena, eta hondartza batean gertatutako historiako alferrikako gerra ekintza handiena azalduko ditu.
Amaitzeko, 'LND'k Hollywoodeko aktoreek uda garaian jarraitzen dituzten mirarizko dietak aztertuko ditu También son humanos atalean.
'La Noche de... Space cowboys' gaur izango da ikusai, 22:30etik aurrera, ETB2n.
p>