'Gu ta Gutarrak' saioa, audientzia buru gazteenen artean

Asteazkeneko 'Gu Ta Gutarrak' saioa audientzia-buru izan zen publiko gazteenaren artean, % 21eko audientzia zatia lortuz 4-12 urte bitarteko haurren artean. Emanaldian zehar, 51.000 ikus-entzulek bat egin zuten saiorekin Euskadin eta eragin eremuan.

Gaurko saioan, Huntza taldearen 'Aldapan gora' abestiaren bideoklipa estreinatuko dute. Aspanogi minbizidun haurren gurasoen elkartearen laguntzarekin, Gutarrek, Huntza taldeko kideek eta 2 eta 13 urte bitarteko ume gaixoek parte hartuko dute Donostia Ospitalean grabatutako bideoklip honetan.