telebista
23:35ean
'Mi reflejo' dokumentala, gaur gauean, ETB2n eta eitb.eus-en
I.E. | EiTB
Haur, nerabe eta gazte transexualen istorioak ikusiko ditugu, euren egoera hobeto ulertzeko eta euren aldarrikapenak are gehiago ikustarazteko helburuarekin.
Gaur gauean, 'Equipo de Redacción' saioaren ostean, Yolanda Cosgayak eta Silvia Pedrazak zuzendutako Mi reflejo dokumentala izango da ikusgai. Haur, nerabe eta gazte transexualek egunero bizitzen duten errealitatera hurbilduko gaitu dokumental horrek. Haurrek eurek edo euren familiek kontatuko dizkiguten historia oso pertsonalak ikusiko ditugu, horien egoera hobeto ulertu eta horien aldarrikapenak are gehiago ikustarazteko.
Transexualitatea zer den modu argi eta hezigarri batean azaltzeko beharrarekin jaio zen Mi reflejo, baina tabuak eta topikoak hausteko zuzendarien gogoarekin, batez ere.
Mi reflejo dokumentala, gaur, 23:35ean, izango da ikusgai ETB2n eta eitb.eus-en.
