262.000 ikus-entzulek bat egin zuten 'El Conquis'ekin astelehenean

Asteleheneko 'El Conquistador del Caribe' saioak % 14,4ko audientzia-zatia eta 262.000 ikus-entzuleko audientzia metatua lortu zituen EAEn eta eragin eremuan. Aste honetako atalean, Vilarin kanpoan gelditu zen, Isma eta Mikelen kontrako duelua galduta, eta Dennisek ere abentura utzi behar izan zuen ziatikak jota.

'El Conquistador' saioa ikus-entzuleen astelehenetako aukera gogokoenen artean dago. Batez beste, % 16,5eko audientzia-zatia eta 324.000 ikus-entzuleko audientzia metatua lortu ditu orain arte.

Ordu erdian joera bihurtu zen Twitterren

Egindako komentarioei esker, joera bilakatu zen Twitterren #conquis16 etiketa saioaren lehen ordu erdian eta Estatu mailan, azken ataletan gertatu den bezalaxe.

@el_conquis kontu ofizialeko txioek 123.000 inpresio baino gehiago izan zituzten. Facebook bidez, 33.000 lagunek baino gehiagok egin zuten bat 'Conquis'eko edukiekin. Halaber, eitb.eus-eko webgune bereziak milaka erabiltzaileren bisita izan zuen.