telebista
ETB2, 22:30
'Sed de venganza' filma, gaur gauean, 'La Noche de...' saioan
A.A. | EiTB
Akzioa da nagusi Dwayne Johnson aktorea protagonista duen pelikula honetan.
Sed de venganza akziozko filma izango dugu ikusgai gaur gauean ETB2ko 'La Noche de…' saioan. Bertan, Dwayne Johnson da protagonista nagusia, anaiaren heriotzarengatik mendeku hartu nahi duen preso ohi baten paperean. Haren arrastoari jarraituz, Billy Bob Thorntonek hezurmamitutako polizia ikusiko dugu. Aktore-zerrenda osatuko dute Maggie Grace, Tom Berenger eta Carla Guginok.
Pelikula hasi aurretik, Felix Linaresek hainbat kontu ekarriko dizkigu. Batetik, asteazkenean 40 urte beteko dituen Hugo Silvaren ibilbidea errepasatuko du. Bestetik, zinema munduan eman diren hainbat jazarpen kasu aipatuko ditu.
Azken erreportajean, zenbait aktorek euren lanik txarrenak zeintzuk izan diren aitortuko dute.
'La Noche de... Sed de venganza' gaur izango dugu ikusgai 22:30ean ETB2n eta eitb.eus-en.
ta eitb.eus-en.