telebista
Gabonetako programazioa
'Nochebuena Sobre Ruedas' berezia, gaur gauean, ETB2n
A.E.|EiTB
Maribel Salasek, Ion Aramendik eta Joseba Fiestrasek kotxe barruan hainbat famatu elkarrizketatuko dituzte.
Gaur gauean, ETB2n, 'Nochebuena Sobre Ruedas' saioa eskainiko da ordutegi nagusian. Maribel Salas aktorea, Ion Aramendi 'Qué Me Estás Contando' saioko aurkezlea eta Joseba Fiestras 'Que Me Estás Contando'ko kolaboratzailea dira aurkezle eta gidariak. Hain zuzen ere, gabonetararako behar bezala apainduta dagoen kotxea gidatuko dute hirurek eta kotxean izango dituzten gonbidatuak elkarrizketatuko dituzte. Halaber, kotxeko ibilaldia girotzeko, karaoke modura abesten joango dira gonbidatu eta aurkezleak.
Bestalde, gonbidatuko dituzten elkarrizketatuen artean, El Consorcio taldekoko Amaia Uranga, Iñaki Uranga eta Carlos Zubiaga; Niña Pastori abeslaria; Oscar Terol eta Nerea Garmendia aktoreak; Pablo Carbonell musikari eta idazlea; Iñaki Perurena aktore eta harrijasotzailea, eta Bittor Alkiza, Rafa Alkorta eta Patxi Ferreira futbolariak egongo dira.
'Nochebuena Sobre Ruedas' abenduaren 24an izango dugu ikusgai, ETB2n, 21:45ean.
