telebista
Kirolak zuzenean
Gaur arratsaldean, erremonteko finala eta Binakako Txapelketa, Iruñetik zuzenean
Uterga-Etxeberria III.a eta Ezkurra II.a-Endika bikoteen artekoa ETB4n izango da ikusgai, eta Victor-Albisu eta Altuna III.a-Martija bikoteen artekoa, aldiz, ETB1en.
Zuzeneko bi emanaldi izango ditugu larunbatean Euskal Telebistan, arratsaldeko bostetan hasita. Biak ala biak eitb.eus-en ere izango dira ikusgai.
ETB4n, Binakako Erremonte Txapelketako finala eskainiko da: Uterga-Etxeberria III.a / Ezkurra II.a-Endika. Iñigo Aiestaranek eta Manuel Arrizabalaga 'Matxin'ek gidatuko dute Hernaniko Galarretatik egingo den emankizuna.
ETB1en, Iruñeko Labriten jokatuko den Binakako Txapelketako 5. jardunaldiko norgehiagoka izango dugu ikusgai: Victor-Albisu / Altuna III.a-Martija. Beste bi partidak osatuko dute jaialdia: Arretxe II.aren eta Bakaikoaren arteko partida, lau t'erdian, batetik, eta Gorka-Etchegoin eta Peña II.a-I. Zabala bikoteen artekoa, bestetik. Josetxo Lizartzak, Jokin Errastik eta Xabier Anduezak egingo dute kontakizuna.
Larunbateko kirol eskaintza zesta-puntako Xistera Zirkuituko finalekin osatuko da, 11:00etan, ETB4n eta eitb.eus-en. Xabier Larrañagak eta Felix Espillak emango dute hilaren 16an Markinan jokatutako neurketen berri.
