telebista
Kirol emanaldiak
Etxebarrin jokatutako binakako txapelketa, igandean, ETB1en eta eitb.eus-en
EITB
Horrez gain, Zaldua eta Etxeberriren aizkora eta korrika desafioa, eta Palako Kutxabank ligako finalaurreko partida izango dira ikusgai.
Igandean, ETB1ek eta eitb.eus-ek bezperan Etxebarrin jokatutako pilota jaialdia eskainiko dute arratsaldeko 17:00etatik aurrera. Artola- Etchegoyen eta Laso- Ibai Zabala bikoteek jokatuko dute atariko norgehiagoka eta Ezkurdia II- Rezusta eta Victor-Albisu bikoteen artekoa izango da txapelketako partida. Xabier Euzkitzek, Joxan Tolosak eta Elena Azpeitiak egingo dute emanaldiaren kontakizuna.
Pilota emanaldiaren aurretik Zaldua eta Etxeberriaren arteko aizkora eta korrika desafioa izango da ikusgai ETB1eko 'Herri Kirolak' tartean. Juanan Legorburuk eta Jose Etxebestek egingo dute saioaren kontakizuna, 16:00etatik aurrera.
Horrez gain, Gaubeka-Gordon eta Fusto-Urrutia bikoteek jokatutako palako Kutxabank ligako finalaurreko partida emitituko dute ETB4k eta eitb.eus-ek, 13:00etatik aurrera, Iñigo Aiestaran eta Mikel Aierberen kontakizunarekin.
takizunarekin.