telebista
22:30ean
Helburu bera lortzeko elkarlanean, gaur gauean, 'Con la Calle a Cuestas' saioan
EITB
Besteak beste, hondartza garbitzeko, herriko jaiak antolatzeko, herriko ondare historikoa zaharberritzeko eta animaliak zaintzeko biltzen diren pertsonak ezagutuko dituzte.
Gaurko 'Con la Calle a Cuestas' saioak norbere interesetatik harago helburu bera lortzeko elkarrekin lan egiten duten pertsonak hartuko ditu protagonista. Lehenik eta behin, Bakio Surf Taldeko kideak ezagutuko dituzte. Urtero, ehunka boluntario biltzen dituzte herriko hondartza garbitu eta udako denboraldirako prestatzeko.
Herrietako jaiak antolatzeaz arduratzen diren bizilagunak ere elkarrizketatuko dituzte, kasu honetan, Eltziegokoak. Zazpi urte daramatzate Lore eta Ortuaren Azoka egiten.
Jaietan ez ezik, urte osoan zehar ere auzolanean aritzeko gogoz biltzen dira hainbat herritar. Artaxoan, adibidez, Erdi Aroko harresia zaharberritzen ari dira.
Amaitzeko, animaliak babesteko elkarteak ezagutuko ditu 'Con la Calle a Cuestas' saioak, eta familiarik ez duten txakurrak zaintzen dituzten pertsonekin egongo dira.
'Con la Calle a Cuestas' ostegunetan izaten da ikusgai, 22:30ean, ETB2n eta eitb.eus-en.
