telebista
09:00etan
Juan Mari Aburto Bilboko alkateari elkarrizketa, gaurko 'Egun On Euskadi'n
EITB
Gainera, Martin Aranburuk Kataluniako egoeraren analisia egingo du Bartzelonatik zuzenean.
Estepan Aldamiz-Etxebarriak Juan Mari Aburto Bilboko alkatea elkarrizketatuko du asteleheneko 'Egun On Euskadi' albistegian. Horrez gain, larunbatean Quim Torra Kataluniako presidente izendatzeko lehenengo saioaren ondoren, Martin Aranburu analistak Kataluniako egoeraren azken ordukoa ekarriko du Bartzelonatik, zuzeneko konexioan.
Horrez gain, Tasio Erkizia, Ainhoa Fernandez de Arroyabide eta Mikel Aramendi solaskideek egun-eguneko gaiak aztertuko dituzte solasaldirako mahaiaren inguruan.
'Egun On Euskadi' gaur, astelehena, izango da ikusgai, 09:00etatik aurrera, ETB1en eta eitb.eus-en.
