telebista
Audientzia
'El Conquistador' astelehen gauean audientzia-buru, zazpigarren astez jarraian
EITB
Abenturaren zazpigarren atal honek % 21,9ko audientzia-zatia eta 324.000 ikus-entzuleko audientzia metatua lortu zuen.
-
'El Conquis'
'El Conquistador del Pacífico' asteleheneko ordutegi nagusian audientzia-buru izan zen, zazpigarren astez jarraian. Abentura-realityak % 21,9ko audientzia-zatia bereganatu zuen astelehen gauean. Halaber, 324.000 ikus-entzulek bat egin zuten, uneren batean, zazpigarren atalarekin Euskadin eta eragin-eremuan.
Asteleheneko atalak bi kanporatu utzi zituen. Alde batetik, Gaztek, pista amerikarrean erori eta min hartu ondoren utzi zuen abentura, eta, bestetik, Ziortza, David Seco kapitainak bien arteko dueluan kanporatu zuen. Berdeek immunitate jokoa irabazi zuten eta Manu Maritxalar eta Seletaren arteko gatazkaren beste atal bat ikusi genuen.
Julian Iantzik aurkeztuta, 'El Conquistador' saioaren edizio berri hau ikus-entzuleen aukera nagusia da astelehen gauetan, eta batez beste, % 20,9ko audientzia zatia eta 312.000 ikus-entzuleko audientzia metatua lortu ditu.
