Sakanatik osteratxoa, gaur, "Historias a Bocados" saioan

Gaur arratsaldean, maiatzak 31, Euskal Telebistako "Historias a Bocados" saioan, Joseba Arguiñanok Sakanako eskualdea izango du helmuga. Berriro ere kalera irten, eta gure herrietan zer giro dagoen ikusteko prest dago sukaldaria, eta denbora honetan guztian ikusi ez dituen lagunekin berriro topo egiteko irrikaz dago. 

Josebak Izurdiaga bisitatuko du, eta Eduardo Brun aurkituko du bertan, forjaren lanbidean erreferentea. Zazpi belaunalditan zehar lanbide honetan trebatzen joan da bere sendia. Josebak berriz ere eskularruak jantzi eta suaz eta lanbide zahar honen berezko zereginez gozatuko du. Ez da faltako barreak eta konfidentzialtasunak sortzen dituen une gastronomikoak. 

Arruazun, artalde eder bat izango du zain, Aritz Ganboa artzainak lagunduta. Ametsezko paisaiak, gazta onak eta mendia ezagutuko ditugu, landa-bizitza eta ingurumena maite dituen artzain honen eskutik. Artzaintzak duen garrantziaz eta balioaz arituko da, eta hau bezalako une korapilatsuak baikortasunez aztertuko ditu. 

Bukatzeko, Gema Urdanitzek Iturmenditik ibiltzera gonbidatuko du Joseba, familiarekin bizi den herritik. Gema mendiko eta martxa nordikoko gida da, eta Nemesio landetxea kudeatzen du. Talde txikien aldeko apustua egiten duen filosofia du gustuko. Hitz egiteko eta latxa ardiaren esnearekin egindako kroketa goxoak jateko denbora egongo da. 

"Historias a Bocados" gaur izango da ikusgai, 20:00etatik aurrera, ETB2n eta eitb.eus-en.