telebista
22:30ean
'La entrega' filmaren estreinaldia, gaur gauean, "La Noche De..."n
EITB Media
Michael R. Roskam da gangsterren inguruko pelikularen zuzendaria, eta Tom Hardy, Noomi Rapace eta James Gandolfini protagonistak.
-
'La Entrega' filmeko irudia, EITB Mediako bideo batetik lortuta
"La Noche De…" saioak La entrega filma estreinatuko du gaur gauean ETB2n. Dennis Lehane idazlea dugu gangsterren inguruko istorio honen egilea, liburua ez ezik, filmaren gidoia ere berak idatzi baitzuen. Lan honengatik Donostia Zinemaldiko gidoi onenaren saria irabazi zuen gainera. Tom Hardy, Noomi Rapace eta James Gandolfini dira aktore protagonistak, eta Michael R. Roskam zuzendaria. Datu hauek eta beste hainbat kontatuko dizkigu Felix Linaresek emanaldiaren aurretik.
Datorren astean banatuko diren Oscar sarien errepasoarekin jarraituko du "La Noche De…" saioak. Oraingoan, aktore onenaren sarirako izendapena jaso duen Anthony Hopkins hartuko dute protagonista.
Beste bi erreportajek osatuko dute aste honetako programa: batean adiskide handiak diren Hollywoodeko aktoreei buruz mintzatuko dira; bestean, Titanic itsasontziak Bilboko gozokiak zeramatzan edo ez argituko du.
"La Noche De… La entrega" gaur izango dugu ikusgai, 22:30ean, ETB2n eta eitb.eus-en.
