telebista
22:15ean
'Una historia de venganza' filma, gaur gauean, ETB2n
EITB Media
Arnold Schwarzeneggerrek emaztea eta alaba hegazkin-istripu batean galdu dituen gizon baten papera egiten du; haien heriotzaren arduradunaren atzetik joango da mendeku bila. Ostiralean izango da ikusgai, 22:15ean, ETB2n.
-
Arnold Schwarzenegger 'Una historia de venganza' filmaren fotograma batean
ETB2k Una historia de venganza (Aftermath) drama emango du gaur gauean. Elliott Lesterrek zuzenduriko pelikularen protagonistak, besteak beste, hauek dira: Arnold Schwarzenegger, Scoot McNairy, Maggie Grace, Kevin Zegers, Hannah Ware eta Bill Kelly.
Roman (Arnold Schwarzenegger) mendeku bila dabilen aita bat da. Emaztea eta alaba hegazkin-istripu batean hil zaizkio pertsona baten hanka-sartzearen ondorioz. Jake Bonaos (Scoot McNairy) aire-kontrolatzailearen bila joango da Roman; izan ere, ustez, harena da istripuaren errua. 2002ko uztailaren 1ean Überlingen (Alemania) jazo ziren benetako gertakari batzuetan oinarrituta dago pelikula. Bi hegazkinek talka egin zuten, eta bietako bidaiariak eta tripulazioetako kideak hil ziren.
Ez ezazu galdu Una historia de venganza filma, gaur, 22:15ean, ETB2n. Telebistan eman ostean, EiTB Nahieranen izango da ikusgai otsailaren 27ra arte, Las pelis de "La Noche De…" atalean.
