telebista
Eduki nabarmenak
"Biba Zuek!" eta "La Noche De...", gaur ETB1, ETB2 eta eitb.eus-en
EITB Media
Paul Urkijo eta Edurne Azkarate izango dira gonbidatuak "Biba Zuek!"en eta 'Abuso de poder' filma Felix Linaresek aurkeztutako saioan.
-
Maddalen Arzallus eta Xabier Sukia "Biba Zuek!" saioan. Argazkia: EITB Media
"Biba Zuek!" – 18:00etan ETB1 eta eitb.eus-en
Paul Urkijo zinema zuzendaria eta Edurne Azkarate aktorea izango dira saioko gonbidatuak. Otsailaren 24tik aurrera zinema aretoetan ikusgai izango den Irati filma aurkeztera joango dira.
Lehen orduan, Korapiloak atalean, loaren psikologiaz arituko dira. Loaren arazoei eta ohiturei buruz hitz egingo dute Nerea Zabala psikologoarekin.
"La Noche De… Abuso de poder" – 22:40ean ETB2n eta eitb.eus-en
Gaur gauean, Youssef Delarak zuzendutako Abuso de poder filma izango da ikusgai, benetako gertaeretan oinarrituta dagoena. Michael oso abokatu garrantzitsua da, eta Jamal, urte askoan abusuak jasan ostean kartzelan sartu duten gaztea. Biek euren arteko ezberdintasunak gainditu beharko dituzte Estatu Batuetako harrera sistemaren akatsak azaleratu eta justizia egiteko.
Felix Linaresek zuzendutako saioaren lehen zatian, ¿Quién es ese chico? atalean Austin Butler aktoreaz arituko dira. Crónica de sucesosen, gainera, Kim Novak aktorearen inguruko bitxikeriak kontatuko dituzte. Horrez gain, San Valentin eguna dela eta, Hollywoodeko bikoterik ospetsuenen istorioak komentatuko dituzte Amores Eternosen.
