Ahoz Aho +
ETB1en, 23:45ean
Mitxel Lakuntza ELAko idazkari nagusi berriarekin, gaur gauean, 'Ahoz Aho+' saioan
EiTB
Adolfo 'Txiki' Muñozi lekukoa hartu dion sindikalista nafarra elkarrizketatuko du Amaia Cayerok.
-
Mitxel Lakuntza Txiki Muñozekin. Argazkia: EiTB
Amaia Cayerok gaur gauean gidatuko duen 'Ahoz Aho+' saioan Mitxel Lakuntza hartuko dute gonbidatu, ELAko idazkari nagusi berria. Sindikatu abertzalearen Nafarroako ordezkaria izan den gizonak hartu zuen ELAko buruzagitza ostiralean egindako kongresuan. Hamar urtez karguan egon den Adolfo 'Txiki' Muñoz ordezkatu du. Sindikatuaren orain arteko ibilbideaz eta aurrerantzean izango dituzten erronkei buruz galdetuko dio Cayerok Lakuntzari.
Elkarrizketan esandakoei azpimarra egitera etorriko dira ondorengo solas-tartera Felix Arrieta, Iñaki Galdos eta Amagoia Gurrutxaga.
Gaur, 'Ahoz Aho+' saioa 23:45ean izango dugu ikusgai ETB1en eta eitb.eus-en.
