Pello Bilbao txirrindularia, gaur arratsaldean, "Biba Zuek!" saioan

"Biba Zuek!" saioan Pello Bilbao txirrindulari gernikarra izango dute platoan gonbidatu gaur arratsaldean. Maddalen Arzallusek eta Xabier Sukiak bere ibilbide oparoa errepasatuko dute, eta aurtengo lasterketetan izan dituen emaitzak eta Olinpiadetan izandako gora-beherei buruz ere hitz egingo dute. Mikel Landa ere izango da hizpide elkarrizketan zehar. Xabier Amuriza bertsolaria izango dute bertan, Pello Bilbaori koplak idazten eta zuzenean abesten.

Lehen orduan, berriz, Pedro Mari Otaño bertsolariari buruz egin nahi duen pelikularen inguruan arituko dira Patxi Bisquert aktorearekin. Otañoren oinordekoen eta haren lana bildu duten herritarren testigantzak ere bilduko dituzte.

Mikel Elizegik Happy bank lehiaketa ekarriko du, Aritz Ganboa artzaina Otxandion izango da eta Vidal Salcedo medikua ere ez da faltako.

"Biba Zuek!" saioa astelehenetik ostiralera dugu ikusgai, 18:00etatik aurrera, ETB1en eta eitb.eus-en.