Dupla musika taldearen berriena, "Biba Zuek!" saioan arratsaldean

Nahieran diskoa berria aurkeztuko du Dupla talde aguraindarrak "Biba Zuek!" saioan gaur. Gari Uriarte eta Beñat Oribe taldekideak hartuko dituzte Maddalen Arzallusek eta Xabier Sukiak.

Lehen orduan, aldiz, Wikipediari buruz arituko dira; izan ere, bertan idatzi zen lehen artikuluak 20 urte bete ditu. Horretarako, webgune honi buruz hitz egiteko hainbat adituren testigantzak jasoko dituzte.

Ana Goitia, Vidal Salcedo, Aritz Ganboa eta Albina Stardust kolaboratzaileen atalak ere eskainiko dituzte.

"Biba Zuek!" ostiral honetan izango da ikusgai, 18:00etatik aurrera, ETB1en eta eitb.eus-en.