Amaia Elizaran dantzaria, asteleheneko "Biba Zuek!" saioan

Astelehen honetan, Amaia Elizaran dantzaria izango dute "Biba Zuek!" saioan gonbidatu. Hitzorduan, Arima bere azken lana aurkezteaz gain, bere ibilbidea errepasatuko du. Bere konpainia 2015ean sortu zuen, hizkuntza koreografiko propioa sortzeko beharra zuelako. Hamabi kidek osatzen dute taldea; dantzariak, musikariak, jantzitegiak, etab. Ordutik, hainbat ikuskizun egin dituzte: Raw, Pool, Block, Mar eta Out, besteak beste.

Lehen orduan magia landuko dute eta platoan, Enigma taldeko bi kide eta Edu magoa izango dituzte. Bakoitzak euren istorioa eta esperientzia kontatuko dute eta magia egingo dute zuzenean.

"Biba Zuek!" astelehen honetan izango da ikusgai 18:00etatik aurrera ETB1en eta eitb.eus-en.