Biba Zuek
18:00etan
Karmele Gisasola Zelai III kirolaria, gaurko "Biba Zuek!" saioan
EITB Media
Bestalde, herrietako jaietan lanean aritzen diren Jon Castañedarekin eta Ainitze Rodriguezekin mintzatuko dira.
-
Karmele Gisasola
Karmele Gisasola herri-kirolari mallabitarra izango da osteguneko gonbidatua "Biba Zuek!" saioan. Familiatik datorkio zaletasuna, eta ibilbide oparoa darama herri kirolean; hasieran ingudea jasotzen ibili bazen ere, ondoren, txingei eta trontzari heldu zien. Azken boladan, harri jasotzen ikusi dugu batez ere, eta hainbat txapelketa irabazi ditu; izan ingude txapelketak zein harri jasotze txapelketak. Ekainaren 6an lortu zuen orain arteko azken txapela, Emakumeen Urrezko Harri-Jasotze txapelketan.
Lehen orduan, Euskal Herriko festetan murgilduko dira, baina beste ikuspuntu batetik; bertan lanean aritzen direnen ikuspegitik, alegia. Alde batetik, Erruki erromeria taldeko Jon Castañeda musikaria hartuko dute; eta bestetik, Ainitze Rodriguez, jatekoa eskaintzen duen food truckaren nagusia. Bakoitzak festak era batera bizitzen ditu, esperientzia ezberdinak bizitzen dituzte, eta horien berri emango digute.
"Biba Zuek!" saioa 18:00etatik 20:00etara izango da ikusgai ETB1en eta eitb.eus-en.
