Biba Zuek
18:00etan
Kilimak runba taldea, gaurko "Biba Zuek!" saioan
EITB Media
Lehen orduan, Euskadiko Laguntza Txakurren Taldeko bi kide izango dituzte saioan, eta bakoitzak txakur bana ekarriko du platora
-
Kilimak taldea ETBn.
Euskal Herriko runba egiten duen musika taldea izango da gaurko "Biba Zuek!" saioan gonbidatu: Kilimak. 2018an hasi ziren Hernanin, eta lantzen duten musika estiloa zoriz aukeratu omen zuten. Iazko udan, Euskal Herriko runba diskoa grabatu zuten. Bisitatzen dituzten lekuetan, giro ezin hobea jartzen dute, eta kontzertuz josita dute euren agenda.
Lehen orduan, erreskateetan erabiltzen diren txakurren inguruan arituko dira. Horretarako, Euskadiko Laguntza Txakurren Taldeko bi kide izango dituzte saioan, eta bakoitzak txakur bana ekarriko du platora. Gainera, haien lanaren erakustaldi bat egingo dute.
"Biba Zuek!" gaur arratsaldean izango da ikusgai 18:00etatik aurrera ETB1en eta eitb.eus-en.
