Jon Fernandezen azken borrokaldia, gaurko 'Boxeo Izarrak' saioan

Jon Fernandezek aurreko larunbatean, ekainaren 22an, Torrelavegan jokatu zuen Europar Batasuneko txapelketaren emanaldiarekin hasiko da gaurko 'Boxeo Izarrak' saioa. Etxebarriko mutilak bere maila erakutsi zuen beste behin Tuomo Eronen finlandiarraren aurka.

Ondoren, Ray Beltran eta Hiroki Okadaren arteko norgehiagoka ikusgarria eskainiko du saioak. Mexikarra munduko txapeldun izan zen eta gerriko hori berreskuratzeko ahaleginetan dabil. Japoniarra, ostera, orain arte egindako 19 neurketetan nagusitu da. Begirik kendu gabe ikusi beharreko borrokaldia.

Hirugarren norgehiagoka, Roman Chocolatito Gonzalez eta Moises Fuentesek jokatuko dute. Gonzalez nikaraguarra 16 aldiz izan da munduko tituluaren jabe eta bere aurkaria beste lau bider. Bukatzeko, Saul Rodriguez eta Aelio Mesquita izango dira aurrez aurre. Rodriguez kaliforniarrak ez du behin ere galdu egindako 23 norgehiagokatan.

'Boxeo Izarrak' ostiral gauetan ematen da 00:15ean ETB1en.