Eitb Kultura
ETB1en eta ETB2n
Vicente Ameztoyren lana aztergai, gaur gauean, "EiTB Kultura"n
EiTB
Horrez gain, Krii kolektiboa, Ekaitz Zilarmendi argazkilariaren lana eta Ro taldearen musika ezagutuko dituzte.
-
Vicete Ameztoy margolariaren erakusketa. Bilboko Arte Ederren Museoa.
Bilboko Arte Ederren Museoak berriz ireki ditu ateak, eta Vicente Ameztoy artistari eskaini dioten erakusketa bisitatu du gaurko "EiTB Kultura" saioak. Miriam Alzuri komisarioarekin eta Ismael Manterola eta Mikel Onandia arte historialariekin hitz egin dute margolariaren lanaz eta bizi izan zuen momentuaz.
Horrez gain, Krii kolektiboko kideekin bilduko dira Donostian: musika elektronikoak eta emakumeek bat egiten duten tokia dela esanez aurkezten dute proiektua.
Ekaitz Zilarmendi argazkilariarekin ere izango dira bere argazki sesio batean, eta Ro musika taldearen musika ezagutuko dute Azkoitian.
"EiTB Kultura" ostegun gauetan izaten da ikusgai ETB1en, ETB2n eta eitb.eus-en.
