Yolanda Alzolari elkarrizketa, gaur, 'Gure Kasa' saioan

Gaur gauean, Yolanda Alzola izango da 'Gure Kasa' saioan gonbidatu. ETBn urte luzez lan egin zuen eta orain edozein etxe eraberritu eta dekorazioa aldatzeko gai da 'Decogarden' saioan.

Horrez gain, Ana Goitiak eta Onintza Enbeitak euskaldunak kuxkuxean ibiltzen ote garen aztertuko dute, eta Iban Garciak edalontziekin zerikusia duten challengak ekarriko ditu.

Ekhi Arrieta ere talentu berriekin etorriko zaigu. Crazy Hospital taldeak triki-break-a eskainiko dute: Alex eta Iñaki dantzan, eta Iñakiren gurasoak trikitixa jotzen.

'Gure Kasa' astelehenetik ostegunera izaten da ikusgai 21:30ean eitb.eus-en eta ETB1en.