Orio Arraunketa Elkartea, gaurko 'Gure Kasa'n

Gaur gauean 'Gure Kasa' saioak Orio Arraunketa Elkarteko lau kide hartuko ditu: Jon Salsamendi entrenatzailea, Gorka Aranberri patroia, eta Jon Arrizabalaga eta Martxel Aldai arraunlariak.

Bestalde, Onintza Enbeita eta Ana Goitia serio jarriko dira aste honetako Hauxa bi tartean. Emakumeek emakume izateagatik jasan behar izaten dituzten eguneroko gauza txiki horiei buruz hitz egingo dute.

Amaitzeko, Nerea Alias youtuberrak bideo berria prestatu du, eta adi, bere lehenengo aldia kontatuko digu-eta!

'Gure Kasa' astelehen honetan izango da ikusgai, 21:30ean hasita, eitb.eus-en eta ETB1en.