Gure Kasa
ETB1en, 21:30ean
Sara Cozar eta Joseba Apaolaza, gaur gauean, 'Gure Kasa' saioan
A.A.| EiTB
Urtarrilean estreinatu zuten 'Ergela' antzezlana aurkeztera datoz bi aktore ezagunak.
-
Sara Cozar eta Joseba Apaolaza
Sara Cozar eta Joseba Apaolaza aktoreak hurbilduko dira gaur gauean 'Gure Kasa'ko platora, eskuartean duten Ergela izeneko antzezlana aurkeztera. Urtarrilean estreinatutako obraren nondik norakoei buruz galdetuko diete Julen eta Antton Telleriak. Berebat, euren ibilbidearen errepasoa egingo dute.
Elkarrizketaz gain, bestelako edukiak izango dituzte saioan. Hala nola, Maddalen Arzallus bertsolaria Urretxun izango da, lehengo eta oraingoz hitzik bitxienak jasotzen. Iban Garciak, berriz, Interneten erositako bigarren eskuko arropa eta tresna xelebreak erakutsiko dizkigu: erabilitako erratza, Betizuko gitarra eta bi panpina, besteak beste.
'Gure Kasa' astelehenetik ostegunera izaten da ikusgai, 21:30ean, ETB1en eta eitb.eus-en.
/strong>.