Enkore taldea 'Gure Kasa' saioan izango da gaur gauean

Gaur gauean, Enkore taldea egongo da 'Gure Kasa' saioan. Taldeak single berria argitaratu du, 'Dana' izenekoa. Abestia aurkeztu eta zuzeneko emanaldia eskainiko dute platoan. Bilboko Errekalde auzoan sortutako rock talde gaztea da Enkore, eta hiru disko dituzte. Gaur egun, Danatour musika biran murgilduta daude, eta geldialdi txiki bat egin dute saioan egoteko.

Onintza Enbeita askotan izan da Enkore taldearen kontzertuetan, eta kontzertuetan egin behar ez denari buruz hitz egingo du oraingoan. Nerea Aliasek edertasun aholkuak emango ditu. Bere gorputzean aldaketa batzuk egin ditu eta ez da bakarrik egon.

'Gure Kasa' astelehenetik ostegunera izaten da ikusgai, 21:30ean, eitb.eus-en eta ETB1en.