Gure Kasa
21:30ean
Ugarte Anaiek musikatuko dute gaurko 'Gure Kasa'
EiTB
Gainera, Onintza Enbeita musikariei buruz arituko da: pare bat egia esango omen ditu 'Ni On In' tartean.
-
Ugarte anaiak Crystal fightersen kontzertuan. Argazkia: MTV NETWORKS EUROPE
Txalaparta hotsez dator gaurko 'Gure Kasa' saioa. Felipe eta Imanol, Ugarte Anaiak txalapartariak, izango dira gonbidatuak. Larunbatean San Mamesen jo zuten Crystal fighters musika taldekoekin batera, eta Euskal Herriko jaietan kalean jotzen ikusteagatik ere ezagutzen dituzte askok.
Txalapartarien bisita izango dutela eta, Onintza Enbeita musikariei buruz arituko da astearteko saioan, eta pare bat egia esango omen ditu Ni On In tartean. Asisko Urmenetaren bisita ere izango dute. Errotulagailuak lanean jarri, eta gonbidatuen inguruko pasarte bitxi eta sekretu samarrak margotuko ditu.
Orain hilabete sartu ginen udazkenean, eta perretxiko garaia ere iritsi da gurera. Iban Garcia mendira atera da oraingoan, onddo bila. Osasunerako kaltegarria ez den zerbait hartzea lortuko ote du?
'Gure Kasa' astelehenetik ostegunera izaten da ikusgai, 21:30etik aurrera, ETB1en eta eitb.eus-en.
