Oihan Vega eta Xabi Zabala 'Gure Kasa' saioan, gaur gauean

Oihan Vega eta Xabi Zabala 'Gure Kasa' saioan izango dira gaur gauean, doinu eta kultura ezberdinez zipriztindutako Musikarium ikuskizunaz aritzeko. Biak musika munduari oso lotuta daude, eta indarrak batu dituzte proiektu hau aurrera ateratzeko. Haurrei zuzenduta dago, baina gurasoek ere izango dute zer ikusi eta zer ikasi.

Asisko Urmenetak eta bere errotuladoreek bi gonbidatuen sekretutxoak azaleratuko dituzte marrazkien bidez, Nahiara Gagok musikarekin zerikusia duen jolas bat prestatuko du eta Nerea Aliasek ETBko artxiboan aurkitu dituen hiru bideo aurkeztuko ditu.

Onintza Enbeita bueltan izango da 'Gure Kasa'n. Hemendik aurrera, gonbidatuek zer nahi duten aukeratu beharko dute: Onintzak beraientzat bertso bat abestea edo Onintzak kartak botatzea.

Iban Garcia sukaldean sartu da berriro. Koloratzailea hartu eta hainbat janariren kolorea aldatu du oraingoan.

'Gure Kasa' 21:30ean izango da ikusgai ETB1en eta eitb.eus-en.