Urtz musika taldearen itzuleraz, gaur gauean, 'Gure Kasa' saioan

Urtz talde mitikoa izango dute protagonista 'Gure Kasa' saioan gaur gauean. Euskal rockean historia egin eta gero, taldea desegin egin zen, baina orain bueltan dira berriz ere. Taldeko sortzaile eta abeslaria den Xabi Camarerorekin hitz egingo dute taldearen hasieraz eta itzuleraz. Abesti berriak ezagutu eta Urtzen abesti klasikoak gogoratuko dituzte.

Jon Garate Boulebarreko erlojuan izan da donostiarrekin solasean. Nerea Aliasek ETBko artxiboan Urtz taldearen lehen irudiak aurkitu ditu. Jon Gotzon Aldaparenak Xabi hobeto ezagutzen lagunduko digu galdera azkar eta dibertigarrien bitartez. Eta Maddalen Arzallusek musikaz jantziko du saioa Pasaiara egindako bisitaren bidez.

Azkenik, Iban Garcia youtuberrak challenge berri bat aurkeztuko digu. Modan dauden 'Fornite dantzak' erakutsi eta dantzatuko ditu.

'Gure Kasa' astelehenetik ostiralera izaten da ikusgai, 21:30ean, ETB1en eta eitb.eus-en.