Elixabete Garmendia izango da gaurko gonbidatua 'Gure Kasa' saioan

Elixabete Garmendia kazetaria izango da asteleheneko gonbidatua ETB1eko 'Gure Kasa' saioan. Telleria anaiek platoan hartuko dute euskal kazetaritzaren aitzindarietako bat, euskal kulturari, gizarteari eta hedabideei asko eman dien emakumea. Zeruko Argia aldizkarian, Gipuzkoako Foru Aldundian, Euskal Telebistan, Berria-n eta Euskadi Irratian aritu da lanean, eta Carlos Garaikoetxea lehendakariaren biografia bat ere idatzi du. Luze eta zabal hitz egingo dute Garmendiaren ibilbide profesionalaz eta baita esparru pertsonalaz ere.

Ohi bezala, Isma Pereirak jolasean jarriko du gonbidatua, eta Jon Gotzon Aldaparenak estutasunean jarriko du bere galdera bihurriekin. Nahiara Gagok, gainera, artxiboa astindu, eta Elixabeteren sekretuak agertuko ditu, inork espero ez dituenak.

Bestalde, Iban Garcia eskulanak egiten ikusiko dugu Maite Azpiazu amarekin.

'Gure Kasa' 21:15ean izango da ikusgai ETB1en eta eitb.eus-en.