'Handitzen, Handitzen' saioaren estreinaldiak harrera ona

ETB1ek igandean estreinatutako 'Handitzen, Handitzen' saioak audientziaren harrera ona izan du. Zuhaitz Gurrutxagak aurkezten duen saioak % 3,2ko audientzia zatia lortu du, oro har, eta euskaldunen artean % 9,5eko kuota. Halaber, 78.000 ikus-entzulek bat egin dute saioarekin emanaldian zehar, Euskadin eta eragin eremuan.

Zuhaitz Gurrutxagak Euskal Herriko leku enblematiko bat bisitatuko du astero, eta bospasei laguneko haur taldeak izango ditu bidelagun. Haurren jakin-min inuzentetik abiatuko dira leku bakoitzari lotutako pertsonaia bereziak ezagutzeko, eta haien ikuspegitik azalduko dute helduen mundua. Igandeko atalean, Donostiako Ospitalean egon ziren.