Hitzetik hortzera
15:00etan
Euskaltzaindia eta bertsolaritza, gaur, 'Hitzetik Hortzera'n
EiTB
Euskaltzaindiaren historiaz arituko dira Andres Urrutiarekin eta XX. mende bukaerako bertso loraldia oroituko dute Joxe Mari Iriondorekin.
-
Andres Urrutia eta Eider Perez, 'Hitzetik Hortzera' saioan
XX. mende bukaerako bertsolari txapelketen antolatzaile izan zen Euskaltzaindia, eta gai-jartzaile lanetan aritu zen Joxe Mari Iriondo. Donostiako Balda frontoian elkartuko dira berarekin, garai hartakoak igandeko 'Hitzetik Hortzera' programara ekartzeko. Iriondo izan zen 80. hamarkadan txapelketetako aurkezlea baina horra heldu aurretik nolako oroitzapenak dituen galdetuko diote.
Euskaltzaindiak bertsolaritzaren aldeko apustu garrantzitsuak egin ditu 100 urteotan, baina baita beste hainbat arlotan ere. Andres Urrutia Euskaltzaindiako buruarekin elkartuko dira urteurrenaz hitz egiteko.
Aste honetako programan Soraluzeko udazkeneko bertso jaialdiko aleak entzuteko aukera izango da; baita Iruñeko Bertsoaroko bertsolari gazteen jaialdiko eta Gipuzkoako Bertsolari Txapelketako Tolosako finalaurrekoaren bertsoaldiak ere.
Xenpelartarrena bertsolari familia oparoa izan zen. Juan Frantzisko Petriarena Xenpelar-ez gain, bere arreba Maria Luisa eta honen alaba Joxepa Antoni ere bertsolariak izan ziren. Azken honen bertsoak entzungo ditugu, 1902an jarriak.
'Hitzetik Hortzera', gaur, 15:00etan, ETB1en eta eitb.eus-en. Eta astelehenetik aurrera, EiTB Nahieran atarian.
