Aktualitateari lotutako erreportaje saioa, Xabier Madariagarekin eskutik | Ur Handitan EITB MEDIA

Ur Handitan

01:42

Ur Handitan

22:30ean

Hertzainak taldeari eskainiko dio gaurko atala 'Ur Handitan' telebista saioak

EiTB

35 urte bete dira Gasteizko erreferentziazko rock taldeak bere lehenengo diskoa argitaratu zuenetik.

0:29
  • Whatsapp
  • Whatsapp
  • telegram
  • Bidali

Hertzainak euskal talde mitikoa izango du ardatz 'Ur Handitan' telebista saioko gaurko atalak. 35 urte dira jada Hertzainak izeneko diskoa argitaratu zenetik. Garai asaldatuak ziren, politikoki eta ekonomikoki, eta Gasteizen ikasteko biltzen ziren gazteak mugimendu kultural inkonformista berri bat sortzen ari ziren.

Testuinguru horretan jaio zen hautsak harrotuko zituen Hertzainak taldea. Urteekin, arrakasta handia lortu zuten, baina hasiera ez zen batere erraza izan: horien hitz kritikoak zirela eta, euskal kulturaren munduak ez zien begi onez begiratu.

Hori guztiori gogoratuko dute 'Ur Handitan' programan Hertzainakeko taldekideek: Josu Zabala baxu-jotzaile eta taldearen sortzaileak, Gari abeslariak, Txanpi bateria-jotzaileak eta Kike gitarra-jotzaileak. Hasiera, kontzertu bereziak, alkohola eta drogak, polizialaren oldarraldiak eta beste istorio batzuk kontatuko dituzte, anekdotak ere gogora ekarrita.

Xabier Madariaga aurkezleak Josu Zabala taldearen liderra eta Gari taldearen frontman-a elkarrizketatu ditu, eta elkarrizketa horietan agerian geratuko da bataren eta bestearen bizipenak.

Hertzainaken inguruan ibilitako beste pertsona batzuk ere arituko dira parte programan, hala nola Bingen Mendizabal, Karra Elejalde, Alflredito, Bego Arrieta, Ruper Ordorika, Marino Goñi, Itxaro Borda eta Puri Alzelai. Horiez gain, Hertzainaken 100 kontzertutan baino gehiagotan egondako hiru jarraitzaileren hitzak entzungo dituzte, eta sorpresaren bat ere egongo da atalean.

'Ur Handitan' astearteetan izaten da ikusgai, 22:30ean, ETB1en eta eitb.eus-en.

  • Hau zure interesekoa bada, baliteke beste gai hauek ere izatea:
  • Telebista

Iruzkinak

  • Publizitatea
    logo eitb nahieran
    Publizitatea
    Prentsa Aretoa Prentsa oharrak, deialdiak, agenda, fototeka,… Prentsa Aretoa
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena