Gizartea -
Trafiko istripua
Zaldibarren motorzale bat hil zen istripuaren ondorioz atxilotutako gidaria espetxeratu dute
Istripua igande goizean gertatu zen, Ibur Erreka industrialdean, Eibarko udalerriko errepide zati batean. Auto baten eta motor baten arteko talkaren ondorioz, motorreko gidaria (67 urte) hil egin zen. Bestalde, autoaren gidariak ihes egin zuen bertatik.
eitb media
Joan den igandean motorzale bat hil zen istripuan inplikatua atxilotutako gidaria Eibarko Epaitegiaren esku utzi dute gaur, asteartea. Bertan espetxeratzeko agindua eman dute.
Istripua igande goizean gertatu zen, Ibur Erreka industrialdean, Eibarko udalerriko errepide zati batean. Auto baten eta motor baten arteko talkaren ondorioz, motorreko gidaria (67 urte) hil egin zen. Bestalde, autoaren gidariak ihes egin zuen bertatik.
Gipuzkoako Lurralde Trafikoko Unitateak egindako ikerketei esker, autoaren gidaria, 41 urteko gizona, identifikatu eta atxilotu egin zuten ordu batzuk geroago. Espetxera bidali dute, bide-segurtasunaren aurkako ustezko delituengatik, heriotza eragin duen zuhurtziagabekeria larriagatik eta istripu bat eragin ondoren gertakarien lekua uzteagatik.