Herri Kirolak

ETB1en eta eitb.eus-en izango da ikusgai, 17:45etik aurrera, zuzenean. Elite mailan, Vicente, Larrañaga eta Ezpeleta lehiatuko dira, gizonezkoetan, eta emakumezkoetan, hiru bikote: Gisasola eta Barrenetxea, Ansorregi eta Sorrondo, eta Fernandez de Barrena eta Ariztegi.

II. Mailako Pentatloiko Txapelketako hiru txapeldun hurbildu dira "Biba Zuek!" saiora: Jakes Iruretagoiena, Ane Zapirain eta Beñat Telleria. Igandean lehiatu ziren Tolosako zezen plazan (Gipuzkoa), eta azpimarratu dutenez, oso giro "polita" egon zen. Jakesen eta Aneren lehenengo pentatloia izan zen.

Bigarren mailako Euskal Pentatloi finala jokatu da Tolosako zezen-plazan. Beñat Telleria nagusitu da. 12 minutu eta 14 segundo behar izan ditu lanak biribiltzeko. Ander Altunak bigarren egin du eta Iker Goldazarenak hirugarren. Emakumezkoetan, Ane Zapirain nagusitu da, korrikako saioan. 

Mikel Lopetegi "Urra"k eta Aimar Galarragak ordezkatu dute Igeldo harri baldarrari heltzeko garaian. 22 altxaldi eman dizkiote harriari, euren aurkariek baino hiru gehiago.

Igeldokoek (Mikel Lopetegi eta Aimar Galarraga) 22 aldiz jaso dute Harri baldarra, aldiz, Albizurikoek (Beñat Telleria eta Gari Garmendia) 17 aldiz. Horrela, Igeldo 2024ko Harri Herriko saioko irabazlea bihurtu da.

Mollarrikoek (Ainitze Zumeta eta Maddi Gesalaga) 32 aldiz jaso dute harri baldarra, aldiz, Ergobiakoek (Eider Durana eta Karmele Gisasola) 28 aldiz. Horrela, Mollarri 2024ko "Harri Herri"ko irabazlea bihurtu da.

ETB1ek eta eitb.eus atariak "Harri Herri"ren finalak eskainiko ditu gaur, 22:15etik aurrera. Emakumezkoetan, Mollarri eta Ergobia aurrez aurre ikusiko ditugu, eta gizonezkoetan, Albizuri eta Igeldo nor baino nor gehiago arituko dira.

Gipuzkoarra, sei aldiz Euskal Herriko txapeldun harri txikiekin, bikain aritu da 125 kiloko zilindro zaharrarekin eta 24 jasoaldi egin ditu, bi minututajn, 2020an lortutako 22 jasoaldiko marka onduta. 

Mikel Lopetegik eta Hodei Iruretagoienak finalerako txartela eman diote Igeldo taldeari, harri baldarrarekin egindako lanari esker. Finalean Albizuri taldea izango dute aurkari.

Igeldokoek (Mikel Lopetegi eta Hodei Iruretagoiena)18 aldiz jaso dute Harri baldarra, aldiz, Laukarizekoek (Jon Unanue eta Xabat Olaizola) 16 aldiz. Horrela, Igeldo finalean sailkatu da eta Albizurirekin neurtuko dira.

Lazkaon hasi da Iguaran Txapelketa, asteazkenean, eta Mikel Lopetegik, Urrak, Imanol Royo Lartain menderatu du.

Julen Alberdi "Txikia IV."aren aurka Tolosako zezen plazan egindako desafioa irabazi ostean, lehia ikusgarriaz aritu da Iker Vicente aizkolaria. 7.000na euro jokatu zituzten, eta Otsagabikoa izan zen garailea. 10 minutuko aldea atera zion Vicentek Alberdiri 10 kanaerdiko eta 60ko 8 enbor mozten.

10 parte-hartzaile izango ditu txapelketak eta Lazkaon hasiko da. Gainera, Iguaranek berak eta Lizeagak orain 60 urte baino gehiago egindako desafioari keinu berezia egingo diote.

Ergobiako taldekoek (Karmele Gisasola eta Eider Garcia) 19 aldiz altxatu dute Harri baldarra, Uliakoek (Olaia Esnaola eta Udane Ostolaza) ordea, 18 aldiz. Horrela, Ergobia finalean sailkatu da "Harri Herri" saioan.

Bigarrenez jarraian, Karmele Gisasola "Harri Herri" saioko finalera sailkatu da. Ergobia taldeko taldekideekin batera, Mollarrikoak izango ditu aurkari iazko txapeldunak.

Iker Vicente nagusitu da Julen Alberdiren aurkako apustuan. Bi aizkolariek Tolosako zezen plazan egin dute erronka, 2.000 ikusle baino gehiagoren aurrean, eta Vicentek irabazi du.

Julen Alberdi aizkolariak adierazi du prestaketa ona egin duela larunbat honetan Iker Vicenteren aurkako desafioan lehiatzeko, eta, alde horretatik, "lasai eta gustura" dagoela esan du.

Adostutakoaren arabera, 60 ontzako 8 enbor eta 14 kanaerdiko moztu beharko dituzte Tolosako zezen plazan 18:0etatik aurrera. Aurkezpen ekitaldian, "sasoiko" eta "gogotsu" daudela aitortu dute bi aizkolariek.

Albizuriko taldekoek (Beñat Telleria eta Gari Garmendia) 13 aldiz altxatu dute Harri baldarra, Etxaurikoek (Imanol Royo eta Andoni Iruretagoiena) ordea,  9 aldiz. Horrela, Albizuri finalean sailkatu da "Harri Herri" saioan.

Ugaitz Mugertza mutrikuarrak III. Euskal Duatloia irabazi du; txapelketarako nola prestatu zen azaldu digu. "Biba Zuek"en Ugaitz Mugertzarekin bere ibilbidearen errepasoa egin dugu.  

Orain bi urte bezala, mutrikuarrak eskuratu du txapela. Aurkariak baino hobea izan da aizkorarekin eta korrika egin beharreko lanetan. Oier Kañamaresek eta Arkaitz Jauregik lagundu diote podiumean.

Apirilaren 21ean jokatuko da Euskal Duatloiko finala, igandean, eta ETB1ek eta eitb.eus-ek zuzenean eskainiko dute, 12:00etan. Eneko Saralegi iazko irabazlea ez da finalean izango.

Maddi Gesalagak, Ainitze Zumetak, Garazi Ansak eta Nerea Arrutik osatzen duten taldea sailkatu da finalerako.

"Harri Herri" saioaren bigarren denboraldia aurkeztu digute lehiatuko diren lau taldeen kapitainek. Joseba Ostolazak, Luis Mari Telleriak, Jesus Gisasolak eta Jose Ramon Iruretagoienak haien taldeak osatzen dituzten harri-jasotzaileen izenak aurreratu dizkigute.

Apirilaren 15ean, astelehenean, 'Harri Herri' saioaren 2. edizioa izango duzu ikusgai ETB1en eta eitb.eus-en, 22:15etik aurrera.

Aurten, 32 harri-jasotzailek hartuko dute bertan parte, 16 gizonezkok eta 16 emakumezkok; eta launa taldetan lehiatuko dira, lau gizonezkoetan eta lau emakumezkoetan. Talde bakoitzak talde-buru edo kapitain bana izango du: Luis Mari Telleria, Izeta II, Joseba Ostolaza eta Zelai II.

20 kirolarik hartuko dute parte eta lehen seirak sailkatuko dira finalera. 20 minutu izango dituzte gehienez eta finala apirilaren 21ean izango da.

Etxe honek "Harri Herri" herri kirol saio berritzailearen bigarren edizioa aurkeztu du. 16 emakume eta 16 gizon arituko dira bertan, lau taldetan banatuta. Finala Asteasuko pilotalekuan jokatuko da, igandean. Sarrera doakoa izango da; beraz, planik izan ezean, hortxe gonbidapena.

Edizio honetako berrikuntzak eta egutegia jakitera eman dira bertan eta, besteak beste, asteburu honetan jokatuko den final handiaren xehetasunak eman dituzte.

EITBk zuzenean emango du Azpeitiko Izarraitz pilotalekuan izango diren txapelketa guztiak; eitb.eus-en eta ETB1en izango dira ikusgai.

Suedian jokatu berri den sokatirako munduko txapelketatik 11 domina ekarri ditu Lesakara Beti Gazte taldeak; talde eta selekzioen artean 22 ekarri domina dituzte Euskal Herrira. Julen Palenzuela eta Amaia Leiza tiralariak "Biba Zuek!" saioan izan dira bertan bizitakoez eta sokatiraz hitz egiten.