Zinema
Irabaziak
'Avatar' historiako film arrakastatsuena da
Erredakzioa
1.858 milioi dolar eskuratu ditu eta Titanicen datuak gainditu ditu. Avatarek zinema-aretoetan jarraitzen du.
Avatar superprodukzioa historiako film arrakastatsuenean bihurtu da, 1.858 milioi dolarreko irabaziak eskuratuz. TItanicek duela 12 urte eskuratutako datuak apurtu ditu horrela, datu ofizialen arabera.
Zinemaren historian inoiz lortu duten zifra altuena da eta 2.000 milioi dolar eskuratuko duela uste dute askok. Cameronen izena handiagotu baino ez dute egin Avatarrek eta Titanicek, Alienekin, Terminatorren bigarren filmarekin eta True Liesekin lortutako arrakastaren ostean.
Cameronen ibilbideko egitasmo pertsonalena izan da Avatar:&' || 'nbsp;lau urteko lana suposatu du eta 500 milioi dolarreko aurrekontua izan zuen ekoizpena eta promozioa kontuan hartuta. Film bakar batean inoiz egin den inbertsio handiena da.
Esan bezala, 1.858 milioi dolarreko irabaziak eskuratu ditu eta AEBetatik kanpo izan dira horien %70, Titanicek bere garaian lotutako marka ezerezean uzteko. 1.843 milioi dolarreko irabaziak eskuratu zituen 1998an.
