Baskonia
ACB Kopa
Bilbao Basket-Caja Laboral (62-75): Baskonia, finalerdietan
Sara Lavado
Erredakzioa
Hasieratik izan zen nagusi Gasteizko taldea eta merezitako garaipena eskuratu zuen. San Emeterio izan zen zalantzarik gabe neurketako jokalari onena, 23 puntu sartu eta balorazioko 34 jaso zituen.
Caja Laboral Baskoniak ACB Kopako finalerdietarako txartela eskuratu du Bizkaia Bilbao Basket partida bikain batean mendean hartuta (62-75).
Hobeto hasi zuten partida baskoniarrek. San Emeterioren gidaritzapen eta erasoan bikain aritu zen Baraci esker bederatzi puntuko errentarekin iritsi zen Ivanovicen taldea lehen laurdenaren amaieran (11-20). Emozioa zen nagusi, harmailetan eta baita kantxan ere. Baloia eskuratzeko lehiak ikusgarriak ziren, izerdia eta itolarriak hasieratik agertu ziren.
Bizkaiaren jokoak hobera egin zuen bigarren laurdenean, defentsan batez ere. Banic, Hervelle, Salgado...bizkaitarrek asko hurbildu ziren markagailuan, baina Teletovicek azken segundoan sartutako hirukoak min asko egin zion Bilboko taldeari eta atsedenaldian, 31-37.
Hirugarren laurdenean bikain aritu zen Caja Laboral. Bilbotarrek ezin zuten mugarik ez zuen Baskoniaren aurka. Partida erabakita geratu zen (47-63). Eta azken hamar minutuan ez zen ezer aldatu, Gasteizko taldea izan zen jaun eta jabe.
San Emeterio izan zen zalantzarik gabe neurketako jokalari onena, 23 puntu sartu eta balorazioko 34 jaso zituen. Finalerdietan Real Madril edo DKV Joventuten aurka neurtuko dituzte indarrak.
Fitxa teknikoa:
62 - Bizkaia Bilbao Basket (11+20+16+15): Javi Rodriguez (-), Warren (5), Mumbru (7), Hervelle (4) eta Moiso (8) -hasierako bostekoa- Salgado (5), Blums (8), Banic (22), Vazquez (-), Seibutis (-) eta Markota (3).
75 - Caja Laboral (20+17+26+12): Ribas (9), English (6), San Emeterio (23), Teletovic (17) eta Barac (12) -hasierako bostekoa- Singletary (2), Huertas (-), Oleson (-), Hermann (-) eta Eliyahu (6).
Partzialak: 11-20, 31-37 (atsedenaldia); 47-63 eta 62-75 (amaiera).
FINAL-LAURDENAK
Osteguna, 2010/02/18
AMAITUTA: Power Electronics Valentzia - Asefa Estudiantes (75-73)
AMAITUTA: Regal F.C. Barcelona - Cajasol (77-72)
Ostirala, 2010/02/19
AMAITUA: Bizkaia Bilbao Basket - Caja Laboral (62-75)
D kanporaketa: Real Madrid - DKV Joventut (21:50 horas)
FINALERDIAK
Larunbata, 2010/02/20
1. finalerdia: Power Electronics Valentzia - Regal Bartzelona (18:00etan, ETB-3n)
2. finalerdia: B irabazlea - D irabazlea (20:30ean)
FINALA
Igandea, 2010/02/21: 19:00etan final handia
