Gaztea

13:27

Gaztea

Sare sozialak

'Hentai': hitzaren esanahia eta Rosaliaren azkenak piztu duen polemika

B. F. | EITB Media

Kataluniar artistak "Motomami" diskoko single berria argitaratu berri du. Abestiaren aurrerapenarekin gertatu zen bezala, bideoklipeko irudiek sare sozialak harrotu dituzte.

  • Rosalia, ''Hentai''ren bideoklipean

    Rosalia, "Hentai"ren bideoklipean. YouTubeko bideo batetik ateratako irudia

  • Whatsapp
  • Whatsapp
  • telegram
  • Bidali
  • Esteka kopiatu

Albisteak (1)

Rosaliak Hentai izeneko abestia, "Motomami" disko berriko singleetako bat, publikatu berri du. Kantarekin batera, dagoeneko ikusgai dago Mitch Ryan zinemagileak zuzendutako bideoklipa.

Hentai hitz japoniarra da, "ezohiko" esan nahi duena. Baina ez da berbak duen adiera bakarra; izan ere, animearen munduan "perbertitu" kategoria izendatzeko erabiltzen da. Hentaia helduentzako manga genero pornografikoa da. Kategoria honetako marrazki bizidunetan sexu harreman esplizitu eta ezohikoak dira nagusi, baita parafilia sexualak ere.

Helduentzako edukiak diren aldetik, hentai animea bideo plataformetan eta bideo-jokoetan ikus daiteke, eta ez da telebistan emititzen.


Rosaliak TikToken egin zuen abestiaren aurrerapenarekin gertatu bezala, Hentairen kaleratzeak polemika piztu du. Alde batetik, artistaren single berriaren letra lizuna eta inozoa dela kritikatu dute sare sozialetako hainbat erabiltzailek. Bestetik, "El Mal Querer" aurreko diskoarekin alderaketa eginda, "Motomami"n emandako jauzi kualitatibo negatiboa salatu dute askok.

Musikariak, bere aldetik, diskoaren promozio lanekin jarraitzen du, dituen baliabide guztiekin. Hala, Hentairen aurrerapenaren ondotik, honako esaldia publikatu zuen sare sozialetan: "Hentairen letragatik gogaituta daudenak: ondo al zaudete?".

Iruzkinak

    • Irratia zuzenean

    Gaztea Entzun zuzenean

    Bisitatuena

      Kargatzen ikusiena
      Kargatzen ikusiena