Gaztea

13:00

Gaztea

Musika

Sua, Ezpalak, Huntza, Reincidentes eta Skabidean, asteburuko kontzertuen artean

B. F. | EITB Media

Azpetiako Sare Eguna, Orozko Rock eta Biarritz Olympique errugbi taldearen azken jardunaldiaren bueltan zuzeneko musikaz gozatzeko aukera izango da aste bukaeran.

  • Sua taldea

    Sua taldea. Argazkia: Sua

  • Whatsapp
  • Whatsapp
  • telegram
  • Bidali
  • Esteka kopiatu

Albisteak (2)

Musikaz lepo dator maiatzeko hirugarren asteburua. Besteak beste, Sua, Huntza, Ezpalak, Reincidentes eta Skabidean taldeen zuzenekoak izango dira ikusgai.

Ostirala

Gernikako Aterpe tabernan, Odolkiak Ordainetan eta Orreaga 778 taldeen kontzertuak izango dira, debalde, 22:00etatik aurrera.

Ortuellako jaietan, Huts eta Reincidentes taldeak arituko dira, 22:30etik aurrera. Gaua borobiltzeko, Trikizio erromeria taldearekin dantzaldia.

Orozko Rock jaialdiaren baitan, Kurkuma, Eraso, Viva Belgrado eta Sua zuzenean ikusteko aukera izango da Orozkon, 20:00etatik aurrera. Sarrerak, 15 euroren truke.

Bilbon, Fuel Fandango taldeak Santana 27 aretoan joko du, 22:00etan. Hemen eros daitezke sarrerak, 25 euroren truke. Igandean Iruñeko Zentralen arituko dira, 18:30etik aurrera.

Larunbata

Larunbatean, Biarritz Olympique Pays Basque errugbi taldeak aurtengo denboraldia itxiko du, ligako azken partidarekin. Kirol jardunaldia bukatuta, Huntzak zuzenekoa eskainiko du Aguilera estadioan, partidako publikoarentzat. Gazteak sei gonbidapen bikoitz zozkatu entzuleen artean.

Azpeitian, Sare Egunaren egitarauaren baitan, Mafalda eta Skabidean taldeek kontzertua emango dute San Agustin Kulturgunean.

Orozko Rocken bigarren egunean, Toundra, Los Brazos, The Lizards, The Riff Truckers, Ezpalak eta Niña Coyote & Chico Tornado igoko dira oholtzara, 20 euroko sarreraren truke (asteburu osoko bonuak 30 euro balio du eta hemen eros daiteke).

Iruzkinak

    • Irratia zuzenean

    Gaztea Entzun zuzenean

    Bisitatuena

      Kargatzen ikusiena
      Kargatzen ikusiena