Gaztea

Gaztea Sariak

10 minutuan amaitu dituzue Gaztea Sarien azken sarrerak

Gaztea

Edukiera handituta, hainbat sarrera jarri ditugu eskuragarri, baina berehala agortu dira. Gala jarraitu nahi duenak streaming bidez ikusteko aukera izango du.

  • Gaztea Sariak 2023

    Gaztea Sariak 2023

Martxoaren 2an izango dira aurtengo Gaztea Sariak, Bilboko Euskalduna Jauregiko Urban Hall espazioan. Ekitaldia iragarrita, sarrerak hiru orduan bukatu ziren. Horregatik, edukiera handitu eta sarrera gehiago eskuragarri jartzea erabaki zuen Gazteak.

Bigarren salmenta honek lehenengoaren marka hautsi du: 10 minutuan bukatu dira sarrerak. Sarrerak 12:00etan jarri dira eskuragai, eta dagoeneko agortuta dira.

Tiketak lortu dituztenek ETS eta Süne, Sua, Neomak eta Merina Gris artisten zuzenekoak ikusteko aukera izango dute. Bestela, sari banaketa streaming bidez ikusteko aukera izango da, Gaztearen YouTube kanalean eta webgunean.

Sariak banatuta eta gaua ixteko, Bulego taldearen kontzertu berezia egongo da.

Festa handirako propio prestatutako espazioan, photocalla, "GU" saio berezia eta iragartzen joango garen beste hainbat sorpresaz gozatzeko aukera izango dute bertaratzen direnek.