Gaztea

10:41

Gaztea

Gaztea Sariak

Dena prest 2023ko Gaztea Sarietarako

B. F. | EITB Media

Gaur arratsaldean izango da gala, Euskalduna Jauregiko Urban Hallen. Garaikurrak banateaz gain, Neomak, Merina Gris, Sua, Süne eta ETS eta Bulegoren musikaz gozatzeko aukera izango da.

  • Gaztea Sariak 2023

    Gaztea Sariak 2023

  • Whatsapp
  • Whatsapp
  • telegram
  • Bidali
  • Esteka kopiatu

Albisteak (2)

Heltzear da urteko zita garrantzitsuena: gaur, osteguna, emango ditugu 2023ko Gaztea Sariak. Hitzordua Bilboko Euskalguna Jauregiko Urban Hall espazioan izango da, 19:30ean.

Garaikurren banaketaz gain, zuzeneko musikaz gozatzeko aukera izango da, ETS eta Süne, Sua, Neomak eta Merina Gris taldeekin. Galan zehar joko dute taldeek, gau berezirako propio prestatutako ikuskizunak eskainiz.

Sariak banatuta eta gaua ixteko, Bulego taldearen kontzertu berezia egongo da.

Pandemiak eragindako urtebeteko geldiunearen ostean, Gaztea sariak inoiz baino indartsuago datoz.

Gala 19:30ean hasiko da, baina 18:00etatik aurrera izango da Urban Hallera sartzeko aukera. Ekitaldia hasi baino lehenago bertaratzen direnek aurpegi ezagunen photocalla eta "GU" saio bereziaren zuzenekoa ikusteko aukera izango dute. Gainera, lehen garaikurra, fandom onenarena, photocallean bertan banatuko dugu gala hasi baino lehenago.

Kontsultatu hemen ordutegiak eta nola iritsi.

2023ko sarituak

Otsailaren 13tik 22ra izan dute erabiltzaileek Gazteak proposatutako hautagaien alde bozkatzeko aukera. Boto zaparrada jasota, dagoeneko baditugu aurtengo sarituak.

Honakoak dira aurtengo sei kategoriak: artista edo talde onena, abesti onena, bideoklip onena, zuzeneko onena, disko onena, artista berri onena eta fandom onena.

Sarrera guztiak salduta

Ekitaldia iragarrita, sarrerak hiru orduan bukatu ziren. Horregatik, edukiera handitu eta sarrera gehiago eskuragarri jartzea erabaki zuen Gazteak.

Bigarren salmenta honek lehenengoaren marka hautsi du: 10 minutuan erreserbatu zenituzten tiket berri guztiak.

Jarraitu etxetik

Martxoaren 2an Euskaldunara joateko modurik ez dutenek izango dute etxetik ikuskizunaz gozatzeko aukera, 2023ko Gaztea sariak emateko ekitaldia streaming bidez ikusi ahalko baita, Gaztearen webgunean eta YouTube kanalean.

Iruzkinak

    • Irratia zuzenean

    Gaztea Entzun zuzenean

    Bisitatuena

      Kargatzen ikusiena
      Kargatzen ikusiena