Gaztea
Agenda
Tatxers, J Martina, Silitia, Flaca, Liher eta Dupla, asteburuko kontzertuen artean
EITB Media
Zuzenekoz lepo dator aste bukaera. Kontsultatu hemen Euskal Herriko areto eta ekitaldietako musika programazioa.
-
Flaca. Argazkia: @sofysuars
Astebururako plan bila? Zuzeneko musikaz gozatzeko gogoa izanez gero, hona galdu ezin dituzun hainbat kontzertu.
Ostirala (maiatzak 5)
Gasteizko gaztetxean, Tatxers eta Ezta Ilen taldeek eskainiko dute zuzenekoa. Sarrerak Hala Bedi tabernan eta gaztetxean eskuratu daitezke, bost euroren truke.
Gernikako Astran, Bad Sounden reggae doinuez gozatzeko aukera izango da, 20:00etatik aurrera, 8 euroko sarrera ordainduta.
Donostiako Dabadaba aretoan J Martina 2.0 eta Silitia bandek astinduko dute oholtza, 20:00etan, "sarrerarik gabe" kartela eskegita.
Meatzaldea, Enkarterri eta Ezkerraldeak 1000 Gradutan jaialdia hartuko du asteburuan. Ostiralean, Puñales (18:00), Alta (19:00), HI-KI B2B La Diabla (20:00) eta Flaca (21:30) DJen sesioez gozatzeko aukera izango da, doan, Sestaoko Alto Horno eraikinean.
1000 gradutan Enkarterriko, Meatzaldeko eta Ezkerraldeko meatze-paisaia ikusgarri eta enblematikoak eta industria-ondarea musikaz beteko dira maiatzaren 5ean, 6an eta 7an.
— VisitBiscay (@visitbiscay) May 4, 2023
¿¿ Info & Sarrerak: https://t.co/OPVAiNql88 pic.twitter.com/IiKCZgfLj7
Larunbata (maiatzak 6)
Liher eta Kokein Pasai Donibaneko Juanba Berasategi Auditorioan izango dira, 22:00etan, Bixirock '23 jaialdiaren baitan. Sarrerak hemen eskuratu daitezke, 12 euroan.
Urduñako Otxomaio jaietan, Dupla arabarrek emango dute kontzertua, 23:30ean Foru Plazan.
Azkenik, 1000 Gradutanen programazioaren baitan, Celia Carrera (15:00), El Txef_A (16:00), Isabella (17:30) eta Daniel Avery (19:00) artisten sesioak izango dira ikusgai, Karrantzako Dolomitas museoan.
