Gaztea

Gaztea

ZEIDFEST Gaztea

Sarrera guztiak agortuta, ZEIDFEST Gazteak aforoa handitu du

B. F. | EITB Media

Hitzordurako bederatzi egun falta direla agortu dira tiketak. Sarrerok lortzeko azken aukera ostiral honetan (apirilak 5) izango da, 8:00etatik aurrera.

  • ZEIDFEST Gaztearen kartela

    ZEIDFEST Gaztearen kartela

Albisteak (1)

Bideoak (1)

Apirilaren 13an izango da aurtengo ZEIDFEST Gaztea, IZARO, ZOO, Bulego, Merina Gris, La Plazuela, Tanxugueiras, Tatta, Bulego, Etxepe, Gatibu, Eire eta puntako beste hainbat artistaren zuzenekoekin.

Jaialdiaren bigarren ediziorako bederatzi egun falta diren honetan, ZEIDFEST Gazteak aforoa handitzea erabaki du. Pello Reparazek eman du berria, jaialdiaren sare sozialetan.

Ekitaldira bitarteko azken egunak "lasai" hartzeko asmoa bazuten ere sold outaren ondoren beste albiste garrantzitsu bat iragarri du musikariak: "Zuzendaritza eta produkzio taldea bildu eta erabaki garrantzitsu bat hartu dugu. Aforo sistema berri baten bitartez, segurtasun arduradunekin hitz egin ondoren, aurten lehen aldiz ZEIDFEST GAZTEAren historian, BEC!eko aforoa handitzera goaz".

Sarrerak lortzeko azken aukera ostiral honetan (apirilak 5) irekiko da, 8:00etatik aurrera, jaialdiaren webgunean.