Barakaldo

Mugikortasunean aditua da Oier. Bere aburuz, legeak zulo bat utzi du. Izan ere, ingurumen-bereizgarriak ibilgailuak daukan edo ez daukan teknologiaren arabera ematen dira, ez benetan kutsatzen duenaren arabera.

Autonervion Bizkaiako Luis Maria Vidalen hitzetan, ibilgailu elektrikoa erosten duena hiritarra izan ohi da, autoa egunero erabiltzen duena baina kilometro gutxi egiten dituena.

Barakaldoko Udaletxe plazan egin dute elkarretaratzea "Beste Bi" plataformak deituta, eta besteak beste etxegabetasunari "erantzun eraginkorrak" emateko eskatu die administrazioei.

Barakaldon eskaini du bere zuzenekoa, "Playa Saturno" izeneko bere nazioarteko biraren barruan. Oholtza gainean estetika estralurtar antzekoa erakutsi du, eta ez du abestu orain bere bikotekide ohia den Rosaliarekin grabatutako kanta.

Guztira, 89 neska-mutikok harrera familietan pasa dituzte udako oporrak. Gerra dela eta, autobusez egingo dute aurten etxerako bidaia. Barakaldon agurtu dituzte gaur, eta hiru egun barru iritsiko dira Ukrainara.

Barakaldoko pilotalekuan larunbat gauean jokatutako partida ez zen oso ona izan; urdinak, neurketan zehar, atzetik izan ziren markagailuan, baina, azkenean, garaipena erdietsi zuten.

Gaur, hilak 18, Barakaldon erre zen eraikina aztertu dute, haren egoera aztertzeko. Udalaren arabera, oraindik ez dakite nola sortu zen ezbeharra, eta ikertzen den bitartean, alternatibarik ez duten familiei ostatu ematen saiatzen ari dira, bai eta laguntza juridikoa eta psikologikoa eskainiko die.

Hain justu ere, uztailaren 23ko hauteskunde hauetan zerbitzu publikoak bermatzea edo suntsitzea erabakitzen dela ohartarazi du Lander Martinez Kongresurako Bizkaiko hautagaiak.

Barakaldoko sutea ikertzen jarraitzen dute. Oraindik ez dago argi nola piztu zen sua, eta zein egoeran geratu den eraikina, kontuan izanik egurrezko egitura duela. 16 urteko mutil bat hil zen, eta oraindik bi lagun erietxean daude.

Ibon Barakaldoko sutean parte hartu duen suhiltzaileetako baten hitzetan, "gu heldu garenerako, sutea erabat garatuta zegoen" (jatorriz, gaztelaniaz).

Sutea goizaldean piztu da. 16 urteko adingabe bat hilik aurkitu dute eraikinaren barruan. Beste sei pertsona zauritu dira, horien artean adin txikiko bi. Sare sozialetan zabaldutako irudiak.

Beste sei lagun zauritu dira, tartean adingabe bi, kolpeekin eta kea arnasteagatik. Izan ere, sugarrak eskaileretan zabaldu dira eta ataritik ezin aterata, leihotik salto egin behar izan dute.

150 ekintza baino gehiago antolatu dira BECen ospatuko den Euskal Encounterrerako. Uztailaren 22tik 25era iraungo du eta bertan, beste batzuen artean, Cosplay lehiaketak eta enpresek aurkeztutako produktu eta zerbitzuak ikusteko aukera egongo da.

Eskaintza zabala eta kalitatezkoa aurki dezakegu Barakaldoko Zuberoa gozotegian, eta eskaintza horren artean "Barakaldesita" gozoa dago. 60 urte dituen Barakaldoko gozoa berreskuratu dute, eta herrian izandako harrera bikaina izan da. Bada, oraingoan, "Barakaldesita" dastatzeko aukera izan dugu.

Ertzaintzak eta Udaltzaingoek elkarrekin egindako LEParen aurretik manifestatu dira. 2.900 pertsonatik gora egin dituzte lehenengo azterketak.