Lapur bat hamaikagarren aldiz atxilotu dute Donostian

Berrogeita sei urteko gizon bat hamaikagarren aldiz atxilotu du gaur Ertzaintzak, Donostian, denda batean lapurreta egiten ari zela.

Eusko Jaurlaritzako Segurtasun Sailak jakinarazi duenez, 04:00etan, Urbieta kaleko denda batean lapurreta bat gertatzen ari zen abisua jaso du Ertzaintzak.

Agenteak bertaratu dira, eta ustezko lapurra salmahai baten atzean ezkutatuta topatu dute.

Susmagarria atea bortxatuz sartu zen dendara, eta, behin barruan, lau tablet ostu zituen.

Ertzainek atxilotuta eraman dute, eta hurrengo orduetan utziko dute epailearen esku. Gizon horrentzat, hamaikagarren atxiloketa izan da gaurkoa.