11:27

Herriak eta Hiriak

Gertaera

Donostiako Onkologikoaren zati bat hustu dute sute baten ondorioz

eitb.eus

Guztira 300 bat pertsona atera behar izan dituzte, horien artean langilek eta paziente anbulatorioak, ospitaleratuta zeuden pertsonak kanpora ateratzea behar izan ez delako.

  • Whatsapp
  • Whatsapp
  • telegram
  • Bidali

Donostiako Onkologia Institutuaren zati bat hustu dute gaur (ostirala) goizean, sute baten ondorioz, Segurtasun Sailak jakinarazi duenez.

Osasun zentrotik azaldu dutenez, guztira "300 bat pertsona" atera behar izan dituzte, horien artean langilek eta paziente anbulatorioak, ospitaleratuta zeuden pertsonak kanpora ateratzea behar izan ez delako.

Suhiltzaileek esan dute gertaerak 10:00ak aldera izan direla, galdera gelan, soldatze lanak egiten ari zirela.

Txisparen batek galdara baten estaldura isolatzailea ukitzeak sute txiki bat eragin du. Halere, sute txikia dagoeneko itzalita zegoen suhiltzaileak bertaratu direnerako.

Bestalde, Onkologikotik adierazi dutenez, ke beltza teilatu lauan metatzeak larrialdietako alarma piztea eragin du, eta dagokion ardura-protokoloa jarri dute martxan.

Halaber, "hogeita hamar edo berrogehi minututan" osasun-zentroa normaltasunera itzuli dela adierazi dute.

 

 

Iruzkinak

  • Publizitatea
    Publizitatea
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena